Wi snackt platt

Hertha Borchert, Meieree Horst un Höörspeel

Sonntag, 16. Mai 2021, 08:30 bis 09:00 Uhr

Das Geburtshaus von Wolfgang Borchert in Hamburg © NDR.de Foto: Marc-Oliver Rehrmann
In düt Huus in Hamborg-Eppendörp is de Schrieversmann Wolfgang Borchert to Welt kamen. Wat woll de Wenigsten weet: ok siene Mudder Hertha hett Geschichten schreven - op Plattdüütsch!

100 Johr is dat düsse Daag her, dat de Schrieversmann Wolfgang Borchert hier bi uns in Hamborg to Welt kamen is. Schreven hett Wolfgang Borchert blots op Hoochdüütsch, man wi hebbt en Fro drapen, de hett sik mol ankeken, woveel Plattdüütsch denn ok in Wolfgang Borchert stickt. Een vun uns Themen bi "Wi snackt Platt". Denn maakt wi ok noch en lütten Utfloog hen na Horst bi Elmshorn: dor sünd wi in en Molkeree to Besöök. Un dat geiht üm uns Plattdüütsch Hörspeel an´n tokamen Middewekenavend. “Nachtzug” heet dat - en Stück vun 1995 mit masse unvergeten Stars vun´t Ohnsorg Theater so as Wilfried Dziallas, Rolf Nagel un Edgar Bessen.

Das letzte Foto von Wolfgang Borchert, bevor er 1941 als Soldat eingezogen wurde © Wolfgang-Borchert-Archiv, Staats- und Universitätsbibliothek Hamburg
AUDIO: Hertha Borchert, Meieree Horst un Höörspeel (30 Min)

Wolfgang Borchert siene Mudder Hertha Borchert

Im Borchert-Archiv in Hamburg hängt ein Foto von Wolfgang Borchert mit seiner Mutter Hertha aus dem Jahr 1947 © NDR.de Foto: Marc-Oliver Rehrmann
Se hett wunnerbore Geschichten op Plattdüütsch schreven: Hertha Borchert tohoop mit ehrn Söhn Wolfgang Borchert in´t Johr 1947.

Dat Schrieven leeg Wolfgang Borchert in´t Bloot - dat hett he in siene Geschichten un Gedichten, man ok besünners in dat Theaterstück “Draußen vor der Tür” wiest. Man wat woll de Wenigsten weet: ok al sien Mudder Hertha Borchert is en wunnerbore Schrieversfro ween! Nu - to Wolfgang Borchert sien hunnertsten Geboortsdag - dor is en lütt Broschüür över Wolfgang un sien Mudder Hertha Borchert rutkamen - rutgeven vun Ada-Verena Gass ut Kirchwarder. Un de hett so mennig wat rutfunnen över Wolfgang Borchert, siene Mudder un wat uns Plattdüütsche Spraak angeiht! "Wi snackt Platt"-Reportersche Benita Brunnert weer bi Ada-Verena Gass to Besöök.

Henwies: Dat Literatur-Festival "Hamburg liest Borchert" geiht vun 17. 23. Mai. De Broschüür “Kann Mutti mir eine Geschichte von sich schicken?” vun Ada-Verena Gass, de nu to’n 100. Geboortsdag vun Wolfgang Borchert rutkamen is, hett bummelig foffteihn Sieden un köst 5 Euro. To köpen gifft dat de Broschüür ünner annern in den lütten Böker-Pavillon bi de U-Bahnstatschoon Hallerstraat. Bücherstube Stolterfoht heet de. De Adress is Rothenbaumchaussee 100.

130 Johr Meieree in Horst bi Elmshorn

"SH 042" - Betriebsnummer der Meierei Horst. © NDR Foto: Sebastian Duden
En besünnere Molkeree fiert Jubiläum - 130 Johr gifft dat de Meieree Horst in Elmshorn nu.

130 Johr gifft dat de Meieree oder ok de Molkeree dor in Horst nu - un de is wat ganz Besünners: denn ok wenn se een vun de ganz lütten Meiereen hier in´n Noorden is, is se aver liekers sülvstännig bleven un geiht ok sünst en ganz annern Weg as de groten Molkereen. Woans düsse Weg utsüht, hett sik “Wi snackt Platt”-Reporter Bernhard Koch annerletzt mol ankeken.

Moderatschoon: Jan Wulf

De Leder in uns Sennen:

In een Boot - Godewind
An Land - Annie Heger
Keen Minsch wuss wo dat geiht - Knut Kiesewetter
Marie Marie - Knipp Gumbo
These boys must be free (op Platt) - Nick, Yared & Floy feat. The Charchullas

 

Weitere Informationen
Nachtzug der Deutschen Bahn © Deutsche Bahn AG

Hörspiel: "Nachtzug"

Im Schlafwagen findet eine Frau die Leiche eines Mannes und im Zugrestaurant haben zwei andere Männer etwas gemeinsam. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

 

 

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1153912.html
NDR 90,3 Livestream

ARD Hitnacht

00:00 - 05:00 Uhr
Live hörenTitelliste