Wi snackt platt

Timsen vun Santiano, Larry Evers un Ina Müller

Sonntag, 18. April 2021, 08:30 bis 09:00 Uhr

Hans-Timm Hinrichsen von Santiano © Roger Wahlmann

Bi “Wi snackt Platt” snackt wi dütmal mit "Timsen" vun de Band Santiano, wi kiekt uns de Platt-Plakaat-Akschoon in de Binnenstadt vun Staad (Stade) an, wi denkt torüch an Larry Evers vun de Band Godewind, de an'n 18. April 70 Johr oolt worrn weer, un wi hebbt en Geschicht vun Ina Müller för Jo.

Hans-Timm Hinrichsen von Santiano © Roger Wahlmann
AUDIO: Timsen vun Santiano, Larry Evers un Ina Müller (31 Min)

"Timsen" vun Santiano: Hölp för "Verwaiste Eltern und trauernde Geschwister"

Santiano-Sänger Hans-Timm "Timsen" Hinrichsen steht neben Nicole Labs vom Verein "Verwaiste Eltern und trauernde Kinder. © NDR Foto: Lornz Lorenzen
Santiano-Sänger "Timsen" engageert sik för den Vereen "Verwaiste Eltern und trauernde Geschwister". Bi "Wi snackt Platt" vertellt he dorvun. Vun´n Vereen ok mit op dat Bild: Nicole Labs.

Santiano, vun düsse Band hebbt Ji seker al mal wat höört - un he, he is een vun de fief Mannslüüd un Sängers, de dortohöört: Hans-Timm Hinrichsen, beter bekannt as “Timsen”. Bi "Wi snackt Platt" vertellt he mehr över sik, över sien Leven sietdem de Corona-Süük dor is, man vör allen ok över den Vereen "Verwaiste Eltern und trauernde Geschwister Schleswig Holstein e.V.", för den he as Botschafter ünnerwegens is. De Vereen, de Hölp för Familien anbeden deit, wo en Kind storven is, hett jüst de CD "Trauer ist Bewegung" rutbröcht. En CD vun un mit Öllern, de truert. Se schall annern Öllern, de dat ok so geiht, Trost spennen.

Henwies: De Vereen "Verwaiste Eltern und trauernde Geschwister" hett ok en Sitt in Hamborg. Hier geiht dat to´n Vereen "Verwaiste Eltern und Geschwister Hamburg e.V."

Platt-Plakaat-Akschoon in Staad

So mennigeen, de düsse Daag mal in uns Naver-Hansestadt Staad (Stade) ünnerwegens is, de warrt sik villicht wunnern: dor hangt nu nämlich grote, bunte Plakaten in de Straten - un dor op: plattdüütsche Wöör as "Mien Appelsnuut", "Mien Klöterbüx" oder "Mien Tuttelduuv". "Wi snackt Platt"-Reporter Gerrit Hoss, de hett sik dat mal ankeken.

Torüchdenken an Larry Evers vun Godewind

Larry Evers als Sänger der Band Godewind ©  imago / MAVERICKS
An´n 18. April 2021 weer Larry Evers vun de Band Godewind 70 Johr oolt worrn.

Wokeen an de Grupp "Godewind" denkt, de denkt woll ok an de wunnerbare plattdüütsche Musik de se maakt. Mehr as 40 Johr gifft dat de Band nu, un een Mann, de vun Anfang an dorbi ween is, dat weer Larry Evers. He weer Mitbegrünner vun de Band, hett sungen, komponeert un Ledertexte schreven. Mehr as 35 Johr lang hett he dat doon, ehrdat he denn 2014 unvermodens an en Hartinfarkt storven is. An´n 18. April 2021 weer Larry Evers egens 70 Johr oolt worrn. Bi "Wi snackt Platt" denkt wi torüch düssen grootordigen Minschen, de veel to fröh vun uns gahn is.

Ina Müller vertellt...

Ina Müller sitzt auf einer Plastik-Kuh © NDR
Ina Müller is op en Buernhoff opwussen.

Ina Müller, de is ja de Botschafterin vun uns plattdüütsche Schrievakschoon “Vertell doch mal” düt Johr un, kloor, dat hett ok sien Grund: se is nämlich Plattdüütsche dör un dör, un se kann ganz wunnerbor Geschichten vertellen! Bi "Wi snackt Platt" snackt se dütmal över ehr Kinnertiet op den Buernhoff, wo se opwussen is - een Geschicht ut ehr Book "Schönheit vergeiht, Hektar besteiht", dat in'n Quickborn Verlag rutkamen is.

Moderatschoon: Jan Wulf

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1147716.html
NDR 90,3 Livestream

Sportplatz Hamburg

18:00 - 19:00 Uhr
Live hörenTitelliste