Wi snackt platt

Ballerdutje, Rhönrad un Eißendörp

Sonntag, 11. April 2021, 08:30 bis 09:00 Uhr

Bi "Wi snackt Platt" stellt wi Jo Hilka Jeworrek vör, dat geiht üm ne'e Verklaar-Videos vun't Lännerzentrum för Nedderdüütsch, un wi maakt uns op’n Padd na Eißendörp hen.

 

Hilka Jeworrek turnt in der Freizeit "Rhönrad" und ist mit dem Nicknamen "Ballerdutje" als Plattdeutsche Influencerin bei Instagram aktiv. © Hilka Jeworrek Foto: Hilka Jeworrek
AUDIO: Ballerdutje, Rhönrad un Eißendörp (30 Min)

Af in't Rhönrad mit Platt-Fluencerin Hilka Jeworrek

Hilka Jeworrek turnt in der Freizeit "Rhönrad" und ist mit dem Nicknamen "Ballerdutje" als Plattdeutsche Influencerin bei Instagram aktiv. © Hilka Jeworrek Foto: Hilka Jeworrek
Nich ganz so licht as dat utsüht: Hilka Jeworrek un Reportersche Benita Brunnert bi't Rhönrad-Turnen.

In de Pandemie dor kann een mennigmal wohrhaftig dörchdreihen. Man bi goot Wedder geiht dat ok op spoortliche Oort! In’t Rhönrad to’n Bispeel. Rhönrad, dat is dat Turngerät, wat ut twee grote Stahlriepen besteiht. De Riepen sünd dörch söss Sprotten verbunnen. An twee dorvun hett een Breder mit Schleupen. Dor kann een sik nu rinstellen un turnen. Hilka Jeworrek hett düssen Spoort al lang för sik entdeckt. Bi "Wi snackt Platt" vertellt se dorvun.

Hilka Jeworrek is "Ballerdutje"

Hilka Jeworrek is Plattdüütsche dörch un dörch. In Wulfsborg in Südoostneddersassen is se opwussen, later hett se in Bremen Plattdüütsch studeert. Achter ehr Studium hett Hilka in Ostfreesland wahnt, ehr dat se na Hamborg keem un nu siet vele Johrn in (oder op) Wilhelmsborg tohuus is. "Wenn een mi vundaag tolustert, kann een fief bet söss verscheden plattdüütsche Dialekten ruthören", meent Hilka Jeworrek - un tolustern, dat kann en Hilka Jeworrek nicht blots dütmal bi "Wi snackt Platt", sünnern ok in de Soziaalen Medien. As "Ballerdutje" is se dor mit lütte Videos un Biller fix aktiv.

Op´n Padd in Eißendörp

Op ehr Reis dör all hunnertveer Stadtdelen vun Hamborg is Benita Brunnert dütmal in´n Süden vun uns Stadt ünnerwegens. Eißendörp is en Stadtdeel för Lüüd, de körperlich noch richtig fit sünd oder warrn wüllt. De 8,4  Quadraatkilometer grote  Stadtdeel hett düütlich mehr Bargen as een in’n Noorddüütschland vermoden wöör. "Dat is ganz schön hügelig hier!, meent ok de söventeihn Johr ole Folke Regenbogen. Mit em un siene Mudder Beke hett sik Benita Brunnert drapen un sik allerhand över Eißendörp vertellen laten.

Ne'e Verkloor-Films op Platt

Hebbt Ji wusst, dat dat in’t Ingelsche Wöör gifft, de jümehrn Ursprung in't Plattdüütsche hebbt – so as de „Smuggler“ oder de „Kraanbeer“, also de „cranberry“? Oder dat dat „Gaffel“ baven an en Seilschipp un de „Reling“ ok plattdüütsche Wöör sind? Dat allens köönt Ji lehrn, wenn Ji de achtteihn Verkloorfilms vun’t Lännerzentrum för Nedderdüütsch ankieken doot. All ünnerscheedlich sünd de opmaakt, mit'n Barg Informatschonen. Den Inhalt hebbt Schoolklassen un Studeernde bistüert. Een vun de 90 Deelnehmers weer Karin Otzen. Ehr Thema: de Geschicht vun de Nedderdüütschen Bühnen in Düütschland. Lina Bande hett mit Karin Otzen snackt un stellt Jo de ne´en Videos vun't Lännerzentrum för Nedderdüütsch mal vör.

Moderatschoon: Benita Brunnert

De Leder in uns Sennen:

Marie, Marie - Knipp Gumbo
Renn nich weg - Norma
Wat is - Yared und die Schlickrutscher
Land in Sicht - Godewind
Dat weer Mai - Ina Müller

 

Weitere Informationen
Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1144144.html
NDR 90,3 Livestream

NDR 1 - Die beste Musik für den Norden

21:00 - 23:00 Uhr
Live hörenTitelliste