Wi snackt platt

Eat.Platt.Love, Tüdelband un Plattsnackers bi de Arbeit

Sonntag, 24. Januar 2021, 08:30 bis 09:00 Uhr

Lisa Wrogemann ist die Macherin hinter dem Youtube-und Instagram-Kanal "Eat.Platt.Love" © Lisa Wrogemann Foto: Lisa Wrogemann
Mire Buthmann und Malte Müller sind "Die Tüdelband" © Lena Woehler Foto: Lena Woehler
Mire Buthmann singt un Malte Müller speelt: "Dien Hart" heet de ne'e Song op Platt vun "Die Tüdelband"

Bi “Wi snackt Platt” stellt wi Jo dütmal ünner annern Lisa Wrogemann un ehrn Online-Plattdüütsch-Kurs “Eat.Platt.Love” vör, wi sünd mit Handwarksmeester Klaus Krieger ünnerwegens, dat geiht üm dat plattdüütsche Höörspeel "Kipper" an´n Middewekenavend un ne'e Musik vun "Die Tüdelband" hebbt wi ok noch för Jo.

Plattdüütsch lehrn bi Youtube un Instagram mit "Eat.Platt.Love"

Lisa Wrogemann ist die Macherin hinter dem Youtube-und Instagram-Kanal "Eat.Platt.Love" © Lisa Wrogemann Foto: Lisa Wrogemann
Plattdüütsch lehrn bi Youtube un Instagram: Lisa Wrogemann hett sik den Online-Kanaal "Eat.Platt.Love" utdacht.

De Volkshoochscholen sünd dicht, de Plattkrinks köönt sik nich drapen. Wokeen opstunns Plattdüütsch lehrn will, de hett dat nich licht. Goot dat dat dor dat een oder annere Anbott in´t Nett gifft. To'n Bispeel den Youtube- un Instagram-Kanaal "Eat.Platt.Love" vun Lisa Wrogemann. "Wi snackt Platt"-Reportersche Benita Brunnert hett sik den Kanaal mal ankeken un stellt Jo de junge Fro, de dor achter stickt, vör.

"Kipper" - Höörspeel op Platt mit Siemen Rühaak un Rolf Petersen

All twee Weken an´n Middewekenavend heet dat bi NDR 90,3 Plattdüütsch pur! So ok wedder an´n 27. Januar vunaf Klock fief na negen. "Kipper" heet dat Plattdüütsche Höörspeel, dat Ji denn höörn köönt. En Höörspeel ut de Fedder vun Jochen Schimmang mit Siemen Rühaak un Rolf Petersen in de Hauptrullen. Bi "Wi snackt Platt" vertellt wi Jo, op wat Ji Jo bi dat Stück freien köönt.

"Dien Hart" - ne'e Musik op Platt mit "Die Tüdelband"

Mire Buthmann und Malte Müller sind "Die Tüdelband" © Jens Wittenburg Foto: Jens Wittenburg
Mire Buthmann un Malte Müller sünd "Die Tüdelband".

Siet negen Johr sünd se ünnerwegens mit plattdüütschen Pop-Rock: Mire Buthmann un Malte Müller. Nu hett "Die Tüdelband" en ne'en Song rutbröcht. In "Dien Hart" geiht dat dorüm, dat een ok in swore Tieden jümmers wiedermaken schall un oppassen mutt, dat dat Füer in een sülvst nich ophöört to brennen. Bi "Wi snackt Platt" vertellt Sängersche Mire Buthmann mehr över den Song "Dien Hart" un, kloor, speelt wi dat Leed ok.

Mit Handwarksmeester Klaus Krieger op Tour

In uns lütte Reeg „Plattsnackers bi de Arbeit“ stellt wi Jo dütmal en Handwark vör, to dat de Lüüd in'n Alldag ok geern mal „Klempner“ seggen doot. Man wiel dat en Klempner, egentlich för Arbeiden mit Blick (hochdt. "Blech") tostännig is, schrievt wi dat hier nu mal ganz korrekt: uns "Wi snackt Platt"-Reporter Bernhard Koch weer mit den Installateurmeester för Gas un Water Klaus Krieger ut Kummerfeld bi Pinnbarg ünnerwegens un hett sik vun em siene Arbeit wiesen laten.

Vertell doch mal: mit Jan Graf in de Määrkenwelt

Junge Frau küsst einen Froschkönig. © picture-alliance/chromorange
Joon Kortgeschicht op Platt kann ok en Määrken ween!

Se is wedder vull in Gang: uns Schrievakschoon “Vertell doch mal!”. Noch bet to´n achtuntwinnigsten Februar söcht de NDR tohoop mit Radio Bremen un dat Ohnsorg-Theater de besten plattdüütschen Kortgeschichten to't Thema “Allens anners”. Jan Graf, de hett sik ok mal Gedanken dorto maakt. In sien Geschicht, de Ji bi uns höörn köönt, geiht dat in de Määrkenwelt.

Moderatschoon: Jan Wulf

De Leder in uns Sennen:

Op di luert - Farvenspeel
In disse Tied - Gerrit Hoss
Petticoat un Popcorn - Godewind
Sömmernacht - Jan Cornelius
Dien Hart - Die Tüdelband
Josephine - Lars & Dixi

 

Weitere Informationen
Moderatorin Ina Müller hält sich zwei Fische aus Kunststoff vors Gesicht © Sandra Ludewig Foto: Sandra Ludewig

Tolle Resonanz - Ina Müller seggt "Velen Dank an alle Schrieverslüüd!"

Die 33. Ausgabe des plattdeutschen Schreibwettbewerbs "Vertell doch mal" tritt in die nächste Phase ein. mehr

Buch mit Kopfhörern im Watt. (Montage) © fotolia.com Foto: Dreadlock, Jenny Sturm

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1115564.html
NDR 90,3 Livestream

ARD Hitnacht

00:00 - 06:00 Uhr
Live hörenTitelliste