Wi snackt platt

Jubiläum, Stellingen un Moin!

Sonntag, 25. Oktober 2020, 08:30 bis 09:00 Uhr

Die Ehrenamtliche der Niendorfer Kirche am Markt Ellen Romhardt. © Bernhard Koch Foto: Bernhard Koch

Jubiläum, Stellingen un Moin!

Sendung: Wi snackt platt | 25.10.2020 | 08:00 Uhr | von Wulf, Jan

Bi "Wi snackt Platt" mit Jan Wulf geiht dat ü.a. üm de Neendörper Kark an'n Markt, un wi sünd in Stellingen ünnerwegens.

Kirche am Markt in Niendorf ©  Kirche am Markt
De Neendörper Kark an’n Markt is woll een vun de Schöönsten mang all de Karken in uns Stadt. Besünners wegen ehr wunnerbare Architektur.

250 Johr warrt de Neendörper Kark an'n Markt düt Johr. Wi weern in de  Karkengemeen to Besöök. Denn sünd wi ok noch op´n Padd in Stellingen, wi hebbt "Ne'ets ut de Plattdüütsche Welt" för Jo, un wi höört en Klassiker ut uns Reeg “Hör mal'n beten to”: De Geschicht "Moin!" vun Gerd Lüpke.

250 Johr Neendörper Kark an´n Markt

De Neendörper Kark an'n Markt is woll een vun de Schöönsten mang all de Karken in uns Stadt. Besünners wegen ehr wunnerbare Architektur. Düt Johr warrt de Kark tweehunnertföfftig Johr oolt. Egentlich wull de Karkengemeen dat groot fiern, man denn güng dat los mit Corona un allens keem ganz anners. Bernhard Koch hett för Jo mal in Neendörp vörbikeken un dor mit de Lüüd vun de Karkengemeen snackt.

Op´n Padd in Stellingen

Das denkmalgeschützte sogenannte Elefantentor, der alte Eingang des Tierparks Hagenbeck. © dpa Foto: Axel Heimken
Dat "Elefantentor" vun "Hagenbecks Tierpark" - ok dat steiht in Stellingen.

“Stallo” hett woll de Mann heten, de düssen Oort grünnt hett. 1347 kann een in de Eppendörper Karkenböker to'n eersten Mal wat vun en lütt Dörp mit Naam “Stelling” lesen. Stellingen heet düsse Stadtdeel vundaag un -  kloor: dor hett sik siet dat verteihnste Johrhunnert fix wat ännert. Woans dat dor hüüt utsüht, hett sik "Wi snackt Platt"-Reportsche Benita Brunnert mal ankeken. Op ehr Reis dör all hunnertunveer Stadelen hett se sik dor mit Plattsnacker Claus Günther drapen.

Ne'ets ut de Plattdüütsche Welt

De Plattdüütsche Bökermess 2020 fallt ut.

Dat hett de Carl-Toepfer-Stiften an'n Anfang vun´e Week künnig maakt. Grund is de Corona-Pandemie. Ok wenn düt Johr masse ne´e Böker op Plattdüütsch rutkamen sünd: en Veranstalten in´n Lichtwarksaal mit Lesungen un vele Lüüd, de mitenanner över de ne´en Böker snackt, wöör to gefährlich. Ok den Pries “Plattdüütsch Book vun't Johr” gifft dat düt Johr nich. Dorför schall dat den Pries denn tokamen Johr in'n November twee Mal geven. Blots de Evangelsche Messe op Platt in´n Michel, de dat ok sünst an't Wekenenn vun de Plattdüütsche Bökermess geven deit, de gifft dat ok düt Johr, un twors an'n Sünndag, den 15. November Klock 10 - mit Paster Schuchardt ut Bredsteed in Noordfreesland, Karkenmusikbaas Manuel Gera an'e Orgel un ok Musiker un Sänger Stefan Heimers is mit dorbi. Kloor, plattdüütsche Leder gifft dat dor denn ok to höörn.

Hör mal'n beten to Klassiker vun Gerd Lüpke

Am Uterstumer Strand auf Föhr stehen Buchstaben, die das Wort "Moin" bilden. © Korinna Neef Foto: Korinna Neef
Weet Ji, wo de Begrötten "Moin!" herkümmt!?

“Moin!” - dat Woort snackt sik licht, man weet Ji egentlich, wo düsse Begrötten herkümmt? Gert Lüpke hett dat mal verklaart. Na uns “Hör mal'n beten to”-Klassiker ut dat Johr 1996 weet Ji Bescheed!

Moderatschoon: Jan Wulf

De Leder in uns Sennen:

Born, wo de Wind herkümmt - Charly Beutin
Renn nich weg - Norma
Land in Sicht - Godewind
De lange Dach - Lars & Dixi
De Wind vun Hamburg - Ina Müller

Weitere Informationen
Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1095236.html
NDR 90,3 Livestream

ARD Hitnacht

00:00 - 05:00 Uhr
Live hörenTitelliste