Wi snackt platt

Günter Lüdke, Bargsteed un Physio för Deerten

Sonntag, 30. August 2020, 08:30 bis 09:00 Uhr

Günter Lüdke 1958/1959 in dem Stück "Spök in´t Slott" im Ohnsorg-Theater. © Ohnsorg Theater Foto: Richard Ohnsorg

Günther Lüdke, Bargsteed un Physio för Deerten

Sendung: Wi snackt platt | 30.08.2020 | 06:00 Uhr | von Wulf, Jan

Bi “Wi snackt Platt” geiht dat dütmol üm den Schauspeler Günter Lüdke, de düsse Daag 90. Johr oolt warrn weer, dorto draapt wi en Physiotherapeutin för Deerten un wi sünd op´n Padd in Bargsteed.

Tier-Physiotherapeutin Hedda Eilts aus der Gemeinde Groß Heide in Ostfriesland mit ihrer Stute Leska. © Andrea Langer
Hedda Eilts ut de Gemeen Groot Heid in Oostfreesland is Physiotherapeutin för Deerten. Hier is se mit ehr egen Peerd "Leska" to sehn.

Bi “Wi snackt Platt” geiht dat dütmol üm den Schauspeler Günter Lüdke, de düsse Daag 90. Johr oolt warrn weer, dorto draapt wi en Physiotherapeutin för Deerten, sünd op´n Padd in Bargsteed un wi hebbt en "Hör mal´n beten to"-Klassiker vun Wolfgang Sieg för Jo.

Günter Lüdke - en Hamborger dör un dör

Günter Lüdke und Otto Lüthje 1960/1961 in "De Strohmann" im Ohnsorg-Theater © Ohnsorg-Theater Foto: Richard Ohnsorg
Günter Lüdke (l.) un Otto Lüthje (r.) 1960/1961 in "De Strohmann" in´t Ohnsorg-Theater

Stahlnetz, Hamburg Transit, Hafenpolizei un Großstadtrevier - wo he in´t Fernsehn to sehn weer, weer uns Stadt faken nich wiet. Günter Lüdke weer en Hamborger Jung dör un dör. 90 Johr is dat düssen Maand nu her, dat de Schauspeler, Autor, Sänger, Hörspeelspreker un wunnerbare Rezitator vun Texten op Hoch un Platt in Altna to Welt kamen is. Na sien Schauspeel-Utbillen in Hamborg un en korte Tied in Aachen keem he an´t Ohnsorg Theater, wo he blangen Henry Vahl und Heidi Kabel ok in so manch en Fersehprodukschoon vun´t Theater to sehn weer. Ok bi de unvergeten "Haifischbar" weer he mit dorbi: as Johnny, de Kellner. Meisttieds hett Günter Lüdke de dör un dör norddüütschen Rullen speelt. Wat dat nu op de Bühn weer, in en vun de velen Fernsehregen, in de he mitspeelt hett, oder in de Immenhof-Filme, an de Siet vun Heidi Brühl und Horst Jansson.

Op´n Padd in Bergstedt

Fachwerk-Villa am Waldrand. © NDR 90,3 Foto: Petra Volquardsen
Bargsteed is ok bekannt för siene smucke Hüüs.

In 67 vun 104 Stadtdelen vun uns Stadt is mien Kolleegsch Benita Brunnert bet nu al ween un överall hett se Plattsnackers drapen. Dütmol is se mit Olaf Duge in´n Noord-Oosten vun Hamborg ünnerwegens: in´t wunnerschöne Bargsteed.

Blangenbi: Wokeen in Bargsteed oder ok “Bergstedt” den Barg söcht, op den de Naam vun düssen Stadtdeel torüch geiht, de kann lang söken. Denn mit en Barg hett düsse Naam rein gor nix to doon, sünnern mit en Keerl nöömt  Beric. De weer de Eerste, de dor vör mehr as sövenhunnert Johr wahnt hett. Un eerst mit de Johrn is denn ut den Dörpnaam “Beric-stede”  de Stadtdeelnaam "Bergstedt" oder "Bargsteed" warrn.

Hedda Eilts - Physiotherapeutin för Deerten

Tier-Physiotherapeutin Hedda Eilts aus der Gemeinde Groß Heide in Ostfriesland mit ihrer Stute Leska. © Andrea Langer
Hedda Eilts bi de Arbeit!

Wenn een krank is un Bewegung bruukt, den geiht een na´n Physiotherapeuten. Man wat maakt een mit en Peerd, dat unrund löppt oder en Hund, de dat mit de Hüft hett? Klor, denn geiht een na´n Physiotherapeuten för Deerten! Uns Platt-Reporter Frank Jakobs, de hett sik mal opmaakt un en junge Fro drapen, de mit dat, wat se deit, de Deerten düchtig hölpen deit: Hedda Eilts ut de Gemeen Groot Heid in Oostfreesland.

Hör mal´n beten to Klassiker vun Wolfgang Sieg

Wolfgang Sieg weer de grote Satiriker ünner uns Hör mal´n beten-to-Autoren. Vunaf 1981 bet 2009 weer he mit siene Geschichten bi´n NDR to höörn. Bi "Wi snackt Platt" is nochmal en Geschicht to höörn, de he in´t 1986 vertellt hett.

Moderatschoon: Jan Wulf

De Leder in uns Sennen:

Op die luert - Farvenspeel
Wenn wi Segel setten - Godewind
Mit Zampel un Kaffetäng - Willem
Sömmernacht - Jan Cornelius
An Land -Annie Heger

Weitere Informationen
Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1062702.html
NDR 90,3 Livestream

ARD Hitnacht

00:00 - 05:00 Uhr
Live hörenTitelliste