Wi snackt platt

Twee as Bonnie un Clyde

Sonntag, 23. August 2020, 08:30 bis 09:00 Uhr

Birte Kretschmer (l.) und Erkki Hopf (r.) spielen "Twee as Bonnie un Clyde" im Ohnsorg Theater. © Sinje Hasheider Foto: Sinje Hasheider

Twee as Bonnie un Clyde

Sendung: Wi snackt platt | 21.08.2020 | 17:00 Uhr | von Wulf, Jan

Bi “Wi snackt Platt” geiht dat dütmal üm dat ne´e Stück "Twee as Bonnie un Clyde" in´t Ohnsorg-Theater, dorto sünd wi in Hamborg-Hamm ünnerwegens, un Krabbenfischer Marko Rohwedder ut Büsum vertellt vun siene Arbeidt.

Birte Kretschmer (l.) und Erkki Hopf (r.) spielen "Twee as Bonnie un Clyde" im Ohnsorg Theater. © Sinje Hasheider Foto: Sinje Hasheider
Dat is gar nich so eenfach en Bank to överfallen: Birte Kretschmer un Erkki Hopf speelt in "Twee as Bonnie un Clyde" in´t Ohnsorg-Theater.

"Twee as Bonnie un Clyde" - so heet dat ne´e Stück, dat vunaf den 29. August in ´t Ohnsorg-Theater to beleven is. Wi weern bi en Proov dorbi un hebbt mit de Schauspelers un den Regisseur Frank Grupe över dat Stück snackt. Dorto sünd wi ok noch op´n Padd in Hamborg-Hamm, dat geiht mit Krabbenfischer Marko Rohwedder rop op de Noordsee, un wi stellt Jo dat Plattdüütsche Höörspeel "Een Füerpüüster" vör, dat Ji tokamen Middewekenavend, den 2. September, vunaf Klock fief na negen bi NDR 90,3 höör´n köönt.

Gauner-Kumedi bi Ohnsorgs: "Twee as Bonnie un Clyde"

Heel lustig warrt dat togahn op de Bühn vun´t Ohnsorg Theater in de tokamen Weken. Denn ok wenn dat bi “Twee as Bonnie un Clyde” üm en Banköverfall geiht: en Krimi is dat nich, sünnern en wunnerbare Gauner-Kumedi mit veel Slapstick-Humor, Verwesslungsgeschichten un allens, wat en gode Kumeedie bruken deit. De Hauptrullen in dat Stück speelt Birte Kretschmer un Erkki Hopf. De Regie hett Frank Grupe. Bi "Wi snackt Platt" snackt de Dree över dat Stück, vun de Freid, endlich wedder op de Bühn to stahn un ok doröver, wo wichtig Theater un dat Lachen in düsse Corona-Tieden is.


Krabbenfischer in de Kries: Marko Rohwedder

Eine Hand voller Nordseekrabben. © dpa Foto: Christian Hager
De Corona-Kries hett ok de Krabbenfischers teemlich to faten. Wi snackt mit Krabbenfischer Marko Rohwedder ut Büsum.

De Corona-Kries hett ok de Krabbenfischers teemlich to faten. En echten Düvelskreis ut Pandemie und ehr Folgen is dat. Dat geiht sowiet, dat de een oder annere Fischer to Tied nich weet, wat he dat överhaupt wirtschaftlich överleven warrt. Platt-Reporter Peter Bartelt is in´n Haven vun Büsum bi den Krabbenfischer Marko Rohwedder an Boord gahn un hett mit em snackt.

Op´n Padd in Hamborg-Hamm

Blick von der Braunen Brücke in Hamburg-Hamm auf die Bille. © NDR Foto: Christine Eggers
Ok en Besöök vun den lütten Sportboothaven an de Bille in Hamm-Süüd lohnt sik.

Tweeanhalv Kilometer in’n Oosten vun’n Hauptbahnhoff liggt de Stadtdeel Hamm. Historikers glöövt, de Naam kümmt ut dat Ooltsass’sche un schall so veel as Sumpf oder Woold bedüden. Wat een vundaag över Hamm seggen kann, dat hett Benita Brunnert rutfunnen. Se weer mit Plattsnackersche Marianne Scheitzow ünnerwegens.

Plattdüütsch Höörspeel: "Een Füerpüster"

Zwei Feuerwehrleute löschen einen Großbrand © dpa-Zentralbild Foto: Robert Schlesinger
Woso hett de Finanzbeamten Gerd Onken sien Arbeitssteed affackelt!? De Antwoort gifft dat an´n Middewekenavend bi uns Plattdüütsch Höörspeel "Een Füerpüster".

Wat bringt en Mann, de bi´t Finanzamt arbeiten deit, dorto, sien Arbeitsteed in Brand to steken? Mit düsse Fraag mööt sik de Lüüd in en lütt Dörp dicht bi Bremen utenannersetten. To`n Glück man blots in uns nedderdüütsch Höörspeel an`n Middewekenavend. „Een Füerpüster“ heet dat Stück ut de Fedder vun Jochen Schimmang. Ilka Brüggemann stellt Jo dat Höörspeel vör, dat Ji an´n Middewekenavend vunaf Klock fief na negen bi NDR 90,3 höör´n köönt.

Moderatschoon: Jan Wulf

De Leder in uns Sennen:

Un Du löppst - Aalkreih
Tweisamkeit in´t Wulkenkuckucksnest - Wolfgang und Anke
Achter Dünen un Diek - Godewind
Wellen, Wind und Meer - Lars & Timpe
Renn nich weg - Norma

 

 

Weitere Informationen
Buch mit Kopfhörern im Watt. (Montage) © fotolia.com Foto: Dreadlock, Jenny Sturm

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1061280.html
NDR 90,3 Livestream

ARD Hitnacht

00:00 - 06:00 Uhr
Live hörenTitelliste