Wi snackt platt

Vertell-Online-Gala, Schoolmeister un Fahrt op de Elv

Sonntag, 31. Mai 2020, 08:30 bis 09:00 Uhr

Anker am Strand von Trassenheide © NDR Foto: Detlef Meier aus Ducherow

Vertell-Online-Gala, Schoolmeister un Fahrt op de Elv

NDR 90,3 - Wi snackt platt -

Wi vertellt Jo, wat dat vunaf tokamen Freedag bi uns grote "Vertell doch mal"-Online-Gala to beleven gifft, wi sünd mit en Boot op de Elv ünnerwegens, wi stellt Jo Schoolmeister Bert Biehl vör, un dat geiht üm dat ne´e Album vun Ledermaker Jan Cornelius.

3,33 bei 12 Bewertungen

Mit von 5 Sternen

bewerten

Vielen Dank.

schließen

Sie haben bereits abgestimmt.

schließen

Download
Endlich wedder mit sien Boot op de Elv: Friedrich Genthe maakt mit uns en lütten Törn vun Geesthacht na Lauenborg

Mit en egen Boot op de Elv rümschippern is för vele en Droom. Man ok för de Lüüd, de en egen Boot hebbt, weer dat in de verleden Tiet wegen Corona nich so eenfach mööglich. So mennigeen Hobby-Kapteihn is de verleden Maanden mehr an Land to Gang ween as op dat Water, man nu dörvt se ja endlich wedder rut op de Elv. Gerrit Hoss is för uns mit an Bord gahn un hett mit Friedrich Genthe en lütten Boots-Törn vun Geesthacht na Lauenborg maakt.

Vertell doch mal: Grote Online-Gala

Bild vergrößern
Klor, uns "Vertell doch mal"-Pate Harald Maack, ok bekannt as "Wolle" in de Fernseh-Reeg "Notruf Hafenkante", is ok mit bi de grote "Vertell doch mal"-Online-Gala mit dorbi.

Üm un bi dusend Geschichten weern dat, de Ji uns toschickt hebbt bi uns Plattdüütsche Schrievakschoon “Vertell doch mal” düt Johr -un nu geiht dat üm de Winner un de Priesen! Wegen dat Corona-Virus weer en Veranstalten in´t Ohnsorg Theater mit Publikum nich mööglich. Dorüm hebbt wi uns wat anners utdacht: Vunaf Freedag, d. 5. Juni, avends Klock söven köönt Ji Jo in´t Internet op ndr.de uns grote Online-"Vertell doch mal"-Gala 2020 ankieken. Schauspelers vun´t Ohnsorg-Theater leest de fief Winner-Geschichten to dat Thema "Fief vör twölf". NDR-Plattsnackersch Ilka Brüggemann modereert de Online-Gala un klor, dat uns "Vertell doch mal"-Pate Harald Maack, ok bekannt as "Wolle" in de Fernseh-Reeg "Notruf Hafenkante", ok mit dorbi is.

Weitere Informationen
NDR 1 Welle Nord

"Vertell doch mal" 2020 mit virtueller Gala

NDR 1 Welle Nord

Zum Thema "Fünf vor zwölf!" hat die "Vertell doch mal" Jury zahlreiche Geschichten op Platt bekommen. Die Siegergeschichten werden am 7. Juni online prämiert. mehr

"Vör Anker": ne´e CD vun Jan Cornelius

Bild vergrößern
De plattdüütsche Ledermaker Jan Cornelius hett en ne´e CD rutbröcht.

Wat gifft dat Neets in de plattdüütsche Musikwelt – dat is en Fraag, de wi uns jümmers wedder stellt bi NDR 90,3 „Wi snackt Platt“. Jan Cornelius is Ledermaker ut Leer in ´n Ostfreesland un siet 1977 mit siene Musik to Gang. 22 Alben hett he bet nu rutbröcht. Nu is sien dreeuntwinnigstet Wark rutkamen: „Vör Anker“. Twölf Leder sünd op de ne´e CD, all tostann kamen in de Johrn 2016 bet 2019. Dat sünd Songs över dat Leven un all siene goden un sworen Ogenblicke, man ok Leder över de Heimat vun Jan Cornelius: Oostfreesland! Wi stellt Jo Jan Cornlius un sien ne´et Album vör.

Plattsnackers bi de Arbeit: Bert Biehl

Bild vergrößern
He is de de Baas vun de Grundschool Moorflagen in Neendörp-Noord: Bert C. Biehl

In uns lütte Reeg „Plattsnackers bi de Arbeit“, dor kiekt wi jümmer mal Lüüd bi’t Geld verdenen över de Schuller. Dütmol stellt wi Jo den Baas vun en Grundschool vör: Bert Biehl in de School Moorflagen in Neendörp-Nord. De Kolleeg Bernhard Koch hett em besöcht.

Moderatschoon: Jan Wulf

De Leder in uns Sennen:

Op die luert - Farvenspeel
Achter Dünen un Diek - Godewind
Lütt Matten - Hannes Wader
Tinis Sommerköken - Jan Cornelius
De ne´e Wagen - Lars & Dixi

 

Weitere Informationen

Wi snackt Platt

Geschichten vun uns Schrievers, Klöönsnack mit Schauspelers, Handwarkers un Seelüüd, Leder von Godewind, Ina Müller un Heidi Kabel - jeden Sünndag Klock 8.30. mehr

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

10 Bilder

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

 

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1031194.html