Wi snackt platt
Sonntag, 25. September 2022, 08:30 bis
09:00 Uhr
Bi "Wi snackt Platt" stellt wi Jo dütmal den ne'en Kinofilm “Mittagsstunde” na den Roman vun Dörte Hansen vör, wi sünd bi dat Theater 47 in Jenfeld to Besöök, wo tokamen Fredag, d. 29.9., mit dat Stück “Sööts sünst gifft’ Suurt” Premieer fiert warrt - un wi sünd in den Stadtdeel St. Georg ünnerwegens: “St. Georg - En Eiland” heet en ne’en Rundgang, den dat Ohnsorg-Theater anbeden deit un wo en sik mit Kopphörers op den Kopp den Stadtdeel wiesen laten kann.
"Mittagsstunde" vun Dörte Hansen nu ok in't Kino to beleven
“Mittagsstunde”, so heet een vun de ganz groten Erfolgsromans vun de noorddüütsche Autorsch Dörte Hansen - un vunaf nu is “Mittagsstunde” ok in’t Kino to beleven. Twee Faten gifft dat vuin den Film: een ganz op Hoochdüütsch un en anner Faten op Plattdüütsch - tominnst dor, wo de Dörpslüüd mit'nanner snacken doot. In Husum, dor hett de Film annerletzt Premier fiert un mit dorbi weer ok uns “Wi snackt Platt”-Reporter Helge Albrecht.
Dat Theater 47 in Jenfeld speelt "Söötet sünst gifft Suurt"
In dat Kulturzentrum „Jenfeld-Haus“, dor gifft dat vunaf Fredag, d. 29. September, na en lange Corona-Paus wedder Theater op Plattdüütsch to beleven. Dat Theater 47, de fröhere Volksspeelbühn Jenfeld, präsenteert dat ne’e Stück „Sööts, sünst gifft’ Suurt“, also „Süßes, sonst gibt’s Saures“. "Wi snackt Platt"-Reporter Bernhard Koch hett sik annerletz mal mit de Lüüd vun de lütte Bühn in Jenfeld drapen.
Henwies: Speelt warrt dat Stück noch bet to’n sössteihnsten Oktober - toeerst in Jenfeld, denn in de Erich-Kästner-Gemeinschaftsschule in Barsbüttel. Lütten Tipp: passlich to dat Thema vundat Stück gifft dat bi de Namiddagstermine vörweg ok noch Kaffee un Koken.
"St. Georg - En Eiland"
Bi dat Ohnsorg-Theater kann en nu en theatralen Audio-Rundgang dörch den Stadtdeel St. Georg mitmaken. Utdacht hett sik düsse Tour op Hoch- un Plattdüütsch Michael Uhl, de sik al bi siene Projekten “Tallymann un Schutenschubser” un “Ankamen - Angekommen” mit dat Thema Heimat ut’nanner sett hett. “St. Georg - en Eiland?” - so heet sien neestet Projekt, dat he för’t Ohnsorg Theater op de Been stellt hett. Bi de Tour kaamt ok masse Lüüd, de op St. Georg wahnt, to Woort. Se vertellt ut jümehrn Stadtdeel un dorto gifft dat lütte Hörspeel-Szenen, die Ohnsorg-Schauspelers insnackt hebbt. “Wi snackt Platt”-Reportersch Benita Brunnert is mal för Jo op düssen Rundgang mitgahn, de de Ogen open maakt för vele Saken, de een so villicht vörher noch gor nich sehn hett.
Moderatschoon: Jan Wulf
De Leder in uns Sennen: