Norddeutsche Sprache

De Hamborger Schoolpolitiker sünd bang vör een nee Volksafstimmen wo dat üm dat Afschaffen vun dat sonömte Turbo-Abitur an´t Gymnasium geiht. Een Ümfraag vun NDR 90,3 hett rutfunnen, dat all fief Raathuus-Parteien ehr Bedinken hebbt. Se glöövt dat denn de Stadtdeelschoolen slechter wegkoomt. De sünd een Alternative to dat Gymnasium, wiel de Schöler dor negen Johr Tied för dat Abitur hebbt. Stand 21.5.13 , Klock 8:30

Een groten Wirbelstorm hett in den zentralen Süden vun de USA veel kaputt maakt. De Behörden seggt, dat in een Vörort vun Oklahoma City tominst 91 Minschen ümkomen sünd. Söben vun de Doden sünd woll Kinner ween, de sik in een School ophollen hebbt, de heel twei gahn is.Stand 21.5.13 , Klock 8:30

Verteidigungsminister Thomas de Maiziere warrt jümmer mehr bekrittelt wiel he dat mit dat Drohnen-Projekt nich trecht kregen hett. He hett, as dat dat ARD-Hauptstadtstudio ruutfunnen, noch söss Daag vör dat to Water lopen vun de Euro-Hawk seggt, dat dat een Eckpieler vun de Bundeswehr warrn schall. Nu gifft dat `n barg Stimmen, de een Ünnersöckensutschuss wüllt, üm dat optokloren, wat dor würklich passeert is. Stand 21.5.13 Klock 8:30

För bummelig 70.000 Arbeitnehmer in Hamborg, de in´n Enkelhannel arbeit geiht dat hüüt üm mehr Geld.
In de eerste Runn vun dat Tarfiverhanneln will de Gewerkschop verdi pauschal 150 € mehr för all.
De Arbeitgeververband hett noch keen Angebot vörleggt.
Stand 21.5.13 , Klock 8:30

De Hamborger Amateur-Football truuert üm dat Kind, dat in Harborg bi´t opstellen vun een Footballtor storven is.
Noch vör dat Hamborger Pokaalendspeel anfung hebbt Speler un Tokiekers güstern Nomiddag an den söbenjohrigen Jung dacht. In´t Speel achterran hett sik de SC Victoria mit twee to een gegen den FC Elmshorn dörchsett un nimmt nu wedder an den DFB Pokaal deel.Stand 21.5.13 , Klock 8:30