Narichten op Platt bei NDR 90,3

Plattdüütsche Narichten ut Hamborg un de wiede Welt - vun maandaags bet freedaags Klock 9.30 bi NDR 90,3 - die plattdeutschen Nachrichten hören Sie von Montag bis Freitag um 9.30 Uhr bei NDR 90,3.

Elbe Landungsbrücken Hamburg © fotolia Foto: dietwalther

Narichten op Platt als Podcast

Ut Hamborg un de wiede Welt - vun maandaags bet sünnavends: Die aktuellen Nachrichten auf Plattdeutsch. mehr

Aktuell

LBS-Immobilienatlas

Immobilien in'n Grootruum Hamborg sünd düütlich billiger worrn. Man för veele Minschen sünd se woll jümmer noch nicht to betahlen – ok in't Ümland. So steiht dat in ne'n LBS-Immobilienatlas för't verleden Johr. Dat leeg doran, dat de Tinsen so stegen sünd. Man de LBS schrifft ok, dat de Tinsen wedder fallen schullen un denn weer Köpen ok wedder lichter.

NDR 90,3 | Narichten op Platt | 28.03.2024 | 09:30 Uhr

VHH mit Verdi enig

Bi de Öffis in Hamborg warrt dat eerstmal keen Streiks mehr geven. Güstern hefft sik de Warkschop Verdi un de Bus-Bedriever VHH op en ne'n Tarifafsluss enigt. Verdi harr sik graad ok för de Föhrers in'n Schichtdeenst insett. Se warrt nu in de Nacht, an't Weekenend un an Fierdaag Toslääg twüschen fiefuntwintig un föfftig Perzent kriegen.

NDR 90,3 | Narichten op Platt | 28.03.2024 | 09:30 Uhr

Tarifverdrag för Lufthansa-Personal

Ok in'n Arbeitskamp bi de Lufthansa is man sik nu enig worrn. Dor geev dat jo Drapens to'n Slichten – mit dat Personal, dat op de Eer blifft. Dat Ünnernehmen un de Warkschop Verdi hefft sik op de Grundlaag vun en ne'n Tarifverdrag för de bummelig 25.000 Mitarbeiders enigt. Vundaag wüllt se Details in de Saak bekannt geven. De Striet mit dat Boordpersonal un de Piloten bi de Lufthansa-Dochter Discover is man noch nich dörch.

NDR 90,3 | Narichten op Platt | 28.03.2024 | 09:30 Uhr

Containerschipp mit gröön Methanol

Vunmorgen maakt dat eerst Mal en groot Containerschipp in Haven fast, dat mit gröön Methanol föhrt. De Ane Maersk vun de däänsche Reederee Maersk is 350 Meter lang un schall düütlich weniger CO2 rutblasen as en normalen Frachter. In Haven is se noch bet Sünnavend to sehn.

NDR 90,3 | Narichten op Platt | 28.03.2024 | 09:30 Uhr

Anti-Mobbing-Programm ut Hamborg

Dat Hamborger Anti-Mobbing-Programm an Scholen is so goot lopen, dat dat nu in heel Düütschland insett warrt. Ünner't Motto: "Gemeinsam Klasse sein" lehrt Kinner, wat Mobbing is un wat man dorgegen maken kann. Schoolmeesters arbeit tosamen mit jümehr Klassen an Regeln för mehr Respekt. Ok Rullenspeel warrt maakt un över Cybermobbing opklaart. In en Ümfraag vun de Techniker Krankenkass is rutkamen, dat üm un bi jeed süsst Schoolkind mobbt warrt.

NDR 90,3 | Narichten op Platt | 28.03.2024 | 09:30 Uhr

Hamborg Towers winnt

So hooch hefft Hamborgs Basketballers in de Bunnsliga in düsse Saison noch nich wunnen: De Hamborg Towers kunnen sik an'n Avend mit 107 to 76 gegen Weißenfels dörsetten. De Towers staht nu op Rang negen in de Tabell.

NDR 90,3 | Narichten op Platt | 28.03.2024 | 09:30 Uhr

Dat Wedder för uns in Hamborg

Vundaag is wedder allens dicht vull mit Wulken – eerst an'n Middag lockert dat mal en lütt beten op. Dat regent ok jümmer wedder un veel Sünn is nich to sehn. De Temperaturen klattert op bet to dörteihn Graad. Morgen an'n Karfreedag is denn wedder allens dorbi: beten Sünn, man veel Wulken; tomehrst dröög, man ok jümmer wedder Regen. Ok dat denn wedder bi bet to dörteihn Graad.

NDR 90,3 | Narichten op Platt | 28.03.2024 | 09:30 Uhr

Team

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Unser Plattdeutsch-Team zeigt, wie lebendig unsere heimliche Muttersprache auch heute noch ist. Bildergalerie

Mehr Plattdeutsch

Eine Flaschenpost mit eine Zettel und @-Zeichen steckt halb im Sand an einem Strand. © Don Bayley Foto: RapidEye

För Dien digitalen Breefkasten: De NDR Platt-Post

Mit de NDR Platt-Post kriegt Ji mehrmals in't Johr Post vun'n NDR in Form vun en E-Mail. Dor steiht denn allens dat binnen, wat dat Nees an Platt geven deit bi uns. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Auf einem Schild, das an einer Hauswand hängt, steht "MOIN". © Christine Raczka / Colourbox Foto: Christine Raczka / stockwerk fotodesign

Die Welt snackt Platt: Alles rund um das Thema Plattdeutsch

Plattdeutsche Sendungen in Radio und Fernsehen im Überblick, das Wörterbuch oder aktuelle Norichten op Platt. mehr