Narichten op Platt

Ut Hamborg und de wiede Welt von maandaags bit sünnavends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Jamaika is in de Grütt gahn

Mit Jamaika in Berlin warrt dat nix - kort vör Middernacht hett de FDP Sluss maakt mit dat Verhanneln mit CDU, CSU un Gröne. Nich to regeern weer beter as verkehrt regeern, sä de Partei-Baas Christian Lindner.
De Hamborger Twete Börgermeistersch Katharina Fegebank vun de Grönen hett al kort dorop reageert un dat Enn vun't Verhanneln düchtig beduert. Man se much nich recht glöven, dat de Liberalen sik dat eerst güstern Nacht överleggt hebbt. // Stand 20.11.2017 Kl. 9:30

Woans geiht' wieder ahn Jamaika?

Na dat Ut för en Jamaika-Koalitschoon, dor gifft dat nu dree Mööglichkeiten: To'n enen kunn de Union wedder en Grote Koalitschoon mit de SPD opmaken, man dorto hett de Hamborger Eerste Börgermeister Olaf Scholz dit Wekenenn nochmal wedder "nee" seggt. Denn kunn de Kanzlersch Angela Merkel ok mit en Minnerheits-Regeern wiedermaken. Oder dat gifft womööglich Neewahlen - mit dat Risiko, dat sik bi de Tahlen kuum wat ännert. // Stand 20.11.2017 Kl. 9:30

Högeren Minnstlohn oder nich?

In Hamborg gifft dat Dusende vun Mitarbeiders bi stäädtsche Ünnernehmens, de weniger Geld kriegt as twölf Euro in de Stünn. De Linken in de Börgerschop verlangt nu, de Minnstlohn in Hamborg schull op dissen Bedrag hoochsett warrn. Düütschlandwiet liggt he totiet bi acht Euro achtunachtig, in welk Bundslänner is de aver höger. // Stand 20.11.2017 Kl. 9:30

Spendenparlament verdeelt Geld

Dat Hamborger Spendenparlament will vunavend fastleggen, welke sozialen Projekten se ünnerstütten wüllt. Utdeelt warrt meist tweehunnertsösstigdusend Euro, un spendt hebbt dit Geld Firmen un Privaatlüüd. Ünner annern schall de eerste Anloopstell för Minschen ahn Ünnerdack süden de Elv hunnertdusend Euro kriegen. Dit Huus in Horborg schall vun't Rode Krüüz opmaakt warrn. // Stand 20.11.2017 Kl. 9:30

Charles Manson is doot

De amerikaansche Kriminelle Charles Manson, de wegen '‘n Reeg vun Morden insitten müss, de is nu doot. Na sössunveertig Johr achter Trallen is he in en Krankenhuus in Kalifornien en natüürlichen Dood sturven. Manson, de weer an't Enn vun de sösstiger-Johrn Sekten-Anföhrer un hett domaals siene Lüüd to en Mordserie anstift‘. Ümbröcht worrn is ünner annern ok de Schauspelersch Sharon Tate - se weer verheiraadt mit den Regisseur Roman Polanski un weer kort dorvör, wat Lütts to kriegen. // Stand 20.11.2017 Kl. 9:30

Football vun'n Sünndag

In de Football-Bundsliga hett de HSV op Schalke mit null to twee verspeelt, un so blievt de Hamborgers in de Tabell op Platz föffteihn. Un denn hett noch Bremen gegen Hannover wunnen, mi veer to null. In de Twete Liga sünd an't Millerndoor de FC Sankt Pauli un de Opstieger Regensburg mit twee to twee utenannergahn. // Stand 20.11.2017 Kl. 9:30

Exakt un kompakt - Dat Wedder för uns in Hamborg

De Wulken warrt jümmer mehr, un denn kummt ok wedder Regen. Dat warrt bet söven Graad warm, un nu sünd dat op Sankt Pauli veer Graad; bi en mauen Wind ut West bet Süüdwest.
Morgen geiht dat los mit Daak - hoochdüütsch Nebel; denn gifft dat vele Wulken, man meist gor keen Regen. Bi bet to söss Graad un en flauen Wind. // Stand 20.11.2017 Kl. 9:30

Jamaika

Wat de Gespreken över en Jamaika-Koalition angeiht, mag ween dat dor nix bi rutkümmt. Dat sä Hamborgs FDP-Vörsittersch Katja Suding güstern op den Landesparteidag in Willemsborg. Se wüllt wull geern, dat dat klappt mit Jamaika. Man wenn dat, wat bi de Gespreken rutsuert, för de FDP heel un deel nix is, denn is se ok nich bang för Neewahlen, sä Suding. Bi de Gespreken in Berlin, geiht dat vundaag üm den Klimaschutz un de Flüchtlingspolitik. Dat sünd Punkte, de sünnerlich wichtig sünd. / / Stand 18.11.2017 Kl. 9:30

Podcast

Narichten op Platt als Podcast

NDR 90,3

Ut Hamborg und de wiede Welt von maandaags bit sünnavends: die aktuellen Nachrichten auf Plattdeutsch. mehr

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Mittagsplauderei

Die plattdeutsche Mittagsplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

03:53

Porträt über die Schauspielerin Diane Kruger

20.11.2017 09:20 Uhr
NDR Kultur
02:20

Volkstrauertag: Gedenken der Kriegstoten

19.11.2017 19:30 Uhr
Nordmagazin
02:23

Gedenkstunde zum Volkstrauertag im Landtag

19.11.2017 19:30 Uhr
Schleswig-Holstein Magazin