Narichten op Platt

Ut Hamborg und de wiede Welt von maandaags bit sünnavends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Starkregen

De Starkregen höllt in'n Noorden un Westen vun Düütschland jümmer noch Börgerslüüd un Insatzkräft op Draff. In't neddersass'sche Hildesheim hebbt Anwahners al freewillig jemehr Hüüs verlaten. Dor kunn't ween un en Nebenfluss vun de Leine sett en Wahnrebeet ünner Water. Un denn is in Göttingen un Bad Harzborg wat to Schaden kamen, wieldat de Regen gor nich ophollen mag. Ok in Meckelborg-Vörpommern un Noordrhien-Westfalen is de Füerwehr in een Tour in'‘n Insatz. Hier in Hamborg hebbt de Insatzkräft bet nu meist nix to doon. // Stand
26.07.2017 Klock 09:30

US-Straafgeller Russland

Dat US-Repräsentantenhuus hett ne'e Sanktschonen gegen Russland beslaten. Mit de Strafen reageert se op de russ'schen Hackerangrepen, de dat woll bi'n US-Wahlkamp geven hebben sall. Kritiker smiet de USA vör, mit de Straafgeller kümmert se sik blots üm jemehr egen wirtschopliche Interessen. Dat kunn ok Bedrieven drepen, de mit Russland tosamenarbeidt. Bi'n Energie-Bereich to'n Bispill. // Stand 26.07.2017 Klock 09:30

Ümboo S-Bahn Altnaa

Opstunns warrt ja de S-Bahnhoff Altnaa vullkamen moderniseert. Dorbi maakt se ünner annern de Wand-Fliesen un den Boddenbelag nee. Bet to'n Enn vun't Johr wüllt se dormit dörch ween. Achterna bringt se bet tweedusendeenuntwintig de annern negen Tunnelstatschonen vun de S-Bahn op Schick. De Düütsche Bahn stickt achtunveertig Millionen Euro in dat Projekt. // Standt 26.07.2017 Klock 09:30

U-Haft na G-Twintig

Na de G-Twintig-Krawallen sitt in Hamborg jümmer noch fiefundörtig Mannslüüd in Ünnersökenshaft. Meist de Hälft dorvun kümmt ut Hamborg. Söss, de se beschülligt, sünd ut Italien, dree ut Frankriek un twee ut Russland. Middewiel hebbt se föffteihn Lüüd, de se op'n Kieker harrn, wedder ut de U-Haft freelaten. //Stand 26.07.2017 Klock 09:30

Hamborger Huusbesöök

Hamborg will wat dorgegen doon, dat öllere Lüüd vereensamt. In´n Bezirk Einbüddel un Horborg fangt se dorto mit dat Pilotprojekt "Hamburger Hausbesuch" an. To'n achtigsten Geburtsdag süllt Minschen automaatsch en Termin to'n Snacken kriegen. Dorbi warrt se över Hölpsangebotten informeert. Dat gifft jümmer mehr öllere Lüüd, de alleen leevt. // Stand 26.07.2017 Klock 09:30

Fruunsfootball

De düütschen Footballspelerschen sünd in't Viddelfinaal vun de EM. Se hebbt Russland mit´n Twee to Null slaan un speelt Sünnavend gegen Däänmark. //Stand 26.07.2017 Klock 09:30

Exakt un kompakt - Dat Wedder för uns in Hamborg:

Dat Wedder för uns in Hamborg fangt den Dag eerstmal gries un mit vele Wulken an. Man dat warrt bilütten jümmer fründlicher un dröger. Dor kümmt sogor noch de Sünn rut un maakt dat warm bi Temperaturen bet to veeruntwintig Graad. Opstunns meet wi in Willemsborg noch föffteihn Graad.
Morgen is meist allens mööglich. Beten Sünnschien un jümmer wedder Flagen. Aver Flagen, dat heet ok, twüschendörch is't mal dröög bi Temperaturen bet to tweeuntwintig Graad. Kann aver ok mal Blitz un Dünnerslag geven.// Stand 26.07.2017 Klock 09:30

Maleschen inne Amsinckstraat

Ok vundaag mööt sik Autofohrers in Hamborg in de Amsinckstraat op Maleschen instellen. Güstern is dor jo en sösstig Zentimeter dicket Röhr för Drinkwater twei broken. Dordör is de Straat denn deelwies afsackt. Altohoop sünd mehre dusend Kubikmeter Water utlopen. Wann se dor allens weer kloor hebbt, künnt se noch nich seggen. I Stand: 25.07.2017, Kl. 9:30

Podcast

Narichten op Platt als Podcast

NDR 90,3

Ut Hamborg und de wiede Welt von maandaags bit sünnavends: die aktuellen Nachrichten auf Plattdeutsch. mehr

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Mittagsplauderei

Die plattdeutsche Mittagsplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

02:58

Ausstellung zeigt die "Welt der Gifte"

26.07.2017 19:30 Uhr
Nordmagazin
01:44

Hafen wird wieder in blaues Licht getaucht

26.07.2017 19:30 Uhr
Hamburg Journal
01:52

Abriss: Muss Schiller-Oper Hochhaus weichen?

26.07.2017 19:30 Uhr
Hamburg Journal