Narichten op Platt

Ut Hamborg und de wiede Welt von maandaags bit sünnavends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Polizei söcht öffentlich na G20-Krawallmaker

De Hamborger Polizei söcht vunaf Maandag na över eenhunnert Lüüd, vun den se glöövt, se hebbt bi dat G-Twintig-Drepen Randale maakt. Dorto maakt se vele Videos un över hunnert Biller öffentlich. De Beamten hebbt över Maanden Videoutsnitte rutfiltert. De Verdächtigen hebbt se vun de Soko "Swatte Block" in'n Rahmen vun de Krawallen rund üm dat G-Twintig-Drepen rutfunnen. // Stand 16.12.2017, Kl. 9:30

NDR Spennendag bringt 1,5 Millionen Euro in

"Hand in Hand för Noorddüütschland". De grote Spennendag vun'n NDR hett mehr as een Komma fief Millionen Euro inbröcht. Düt Johr geiht dat Geld vun de Benefizaktschoon an Familien un Kinner in Noot, tosamen mit de Diakonie in'n Noorden. Noch bet to'n achtuntwintigsten Januar köönt Ji wieder spennen. Allens wat Ji dorto weten mööt, findt Ji op ndr.de/903. // Stand: 16.12.2017, Kl. 9:30

CSU-Parteidag maakt Weg för Personalverännern free

De negenhunnert Delegierten vun'n CSU-Parteidag in Nürnbarg wüllt vundaag den Weg för personelle Verännern in de bayerische Politik free maken. Finanzminister Markus Söder steiht as Topkandidat vun de CSU för de Lanndagswahl in tokamen Harvst praat. To'n Johrsanfang övernimmt he dat Amt vun'n bayerischen Ministerpräsidenten Horst Seehofer. // Stand 16.12.2017

Hälft vun Kredit för Air Berlin geiht fleiten

Wegen de Pleite vun de Air Berlin Dochter Niki geiht tominnst de Hälft vun den staatlichen hunnertföfftig Millionen Kredit fleiten. Dat kannst in de Bildzeitung lesen. Dat se den Floogbedriev in Gang höllt, harr de Bunnsregeren Air Berlin en Kredit to'n Överbrücken geven. Den Kredit sullen se mit den Verkoop vun Air Berlin, also ok Niki, trüchbetahlen. // Stand: 16.12.2017, Kl. 9:30

ICE-Töög föhrt düt Wekenenn langsamer

De Bahn lett ehr ICE-Töög düt Wekeneen beten langsamer föhrn. Schuld hett dat Sneewedder. Fohrgäst sünd woll op de wichtigen Streken bummelig teihn bet twintig Minuten länger ünnerwegens. Dat dröppt ünner anner'n Lüüd de op de Streken Hamborg-Berlin un Hannover-Würzborg reist. // Stand 16.12.2017

HSV mit Nedderlaag in Winterpoos

De HSV geiht mit en Nedderlaag in de Winterpoos. De Hamborger harrn bi Borussia Mönchengladbach mit'n een to dree dat Nasehn. De Vereen liggt dormit nu in de Tabell op den sössteihnsten Platz. Hett Werder Bremen vundaag'n goden Dag, kunn't angahn, de Hamborger fallt sogor noch op den ehrletzten Platz. // Stand 16.12.2017, Kl. 9:30

Exakt un kompakt - Dat Wedder för uns in Hamborg

Dat Wedder för uns in Hamborg
will uns vundaag in allerbeste Punschluun bringen. Regen, Snee un Grisselgrusel - allens is mööglich. Man mit de Tiet warrt dat denn doch noch dröger bi Temperaturen bet to fief Graad. Opstunns meet wi in Altnaa noch frische twee Graad.
De Dag morgen heet Sünndag. Dorüm is dat ok de mehrste Tiet fründlich un dröög bi Temperaturen bet to fief Graad. // Stand: 16.12.2017, Kl. 9:30

NDR-Spennendag för de Diakonie in´n Noorden

Bi NDR 90,3 un bi'n helen Noorddüütschen Rundfunk is vundaag Spennendag. De Aktschoon "Hand in Hand för Noorddüütschland" ünnerstütt dütmal Projekte vun de Diakonie in'n Noorden. De Hölp geiht an Kinner und Familien in Noot. Bet avends Klock ölven hebbt wi en kostenfre'e Spennenhotline schalt. De Nummer dorto: 0-8000-637-903. // Stand 15.12.2017, Kl. 9:30

Podcast

Narichten op Platt als Podcast

NDR 90,3

Ut Hamborg und de wiede Welt von maandaags bit sünnavends: die aktuellen Nachrichten auf Plattdeutsch. mehr

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Mittagsplauderei

Die plattdeutsche Mittagsplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr